“Cənub axını” “Türk axını” oldu

Türkiyə ərazisindən “Cənub axını”nın əvəzinə inşa ediləcək qaz kəməri “Türk axını” adlana bilər.

APA-nın “RİA Novosti” agentliyinə istinadən verdiyi xəbərə görə, bunu Türkiyənin prezidenti Rəcəb Tayyib Ərdoğan bəyan edib.

“Rusiya prezidenti Vladimir Putinin təklifinə əsasən, yeni qaz kəməri “Türk axını” adlana bilər. Qaz kəməri Qara dənizin altı ilə Yunanıstan sərhədinə qədər uzadılacaq. Türkiyə ilə Avropa lazım olduğu həcmdə qaz alacaq. Beləliklə, Türkiyə regionun enerji qovşağına çevriləcək”, deyə Ərdoğan bildirib.