“Antixrist” asteroidi Yerə yaxınlaşır

Bazar günü, iyunun 8-də 325 metrlik, iriölçülü asteroid yerə yaxınlaşacaq. Lent.az-ın “Gazeta.ru”-ya istinadən məlumatına görə, “The Beast” – “Antixrist” (“Dəccal”) adı verilən bu göy cismi Yerlə Ay arasında bərabər, bir milyon kilometr məsafədə olacaq.

Mənbə bildirib ki, Yer kürəsinə və onun sakinlərinə asteroid zərər verməyəcək.

Mütəxəssislər aprelin 23-dək Yer ətrafında bu ölçüdə göy cismi qeydə almadıqlarını bildirib. Onun ölçü və kütləsi 2013-cü ilin fevralında Çelyabinskə düşən asteroiddən on dəfə artıqdır.

“Daş və ya metal cismin Yerə belə yaxın gəlməsi anlaşılmazlıq yaradıb. “HQ124” adlı asteroid ötən il Çelyabinskə düşəndən azı 10, bəlkə də 20 dəfə böyükdür” -deyə, Bob Berman adlı mütəxəssis vurğulayıb.

“Antixrist” asteroidin internetlə izlənilməsinə iyunun 5, gecə 23.30-dan “Slooh” layihəsi ilə başlanılıb. İyunun 8-də isə o, Yerə ən yaxın məsafədə olacaq