Gürcüstanın paytaxtı Tbilisidə kaçirilən son parlament seçkilərinin əleyhinə etiraz aksiyaları yenidən başlayıb.
Lent.az xəbər verir ki, ötən ayın 28-dən müxaliət tərəfindən başladılan aksiyalar bu gün də davam edir. Aksiyaçılar əvvəlcə parlament binası yaxınlığında toplaşmağa başlayıblar.
Gürcüstan Daxili İşlər Nazirliyinin əməkdaşları aksiya iştirakçılarını dağıtmaq üçün gözyaşardıcı qazlardan istifadə etməyə başlayıb.
Batumidə, Avropa Meydanında da etiraz aksiyasının yenidən başladığı bildirilir. Qorinin mərkəzində də etiraz aksiyası keçirilir.
Rustaveli prospektinin parlament binasının yerləşdiyi hissəsi mitinq iştirakçılarından tamamilə azad edilib.
Xüsusi təyinatlılar Çiçinadze və Çitadze küçələrini də aksiya iştirakçılarından təmizləyib.
Mitinq iştirakçıları Aleksandrovi bağına doğru hərəkət ediblər və onların bir hissəsi metronun Rustaveli stansiyası istiqamətinə hərəkət edib. Parlamentin qarşısındakı ərazi xüsusi təyinatlılar tərəfindən tamamilə zəbt edilib.
Xüsusi təyinatlılar bir müddət əvvəl Azadlıq meydanından Rustaveli prospekti istiqamətində hərəkətə keçib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
