Doğum cədvəlinin hesablanması

Hörmətli Qız bürcü, Günəş bu gün günəş xəritənizin ən aşağı sahəsinə daxil olur və dekabrın 21-dək orada irəliləyəcək. Önümüzdəki həftələr əsas ehtiyaclarınıza diqqət yetirmək və həm fiziki, həm də emosional səviyyədə möhkəm təməl qurmaq vaxtıdır. Bu tranzit sizi ev həyatınızı və ailə münasibətlərinizi yaxşılaşdırmaq istəyinə səbəb ola bilər. Bu gün Günəş və Plutonun ahəngdar bucağı sayəsində istəklərinizə daha aydın şəkildə diqqət yetirə və ürəyinizi bu hədəflərə aça bilərsiniz. Siz iş, sağlamlıq və ev işlərinizdə əla formadasınız. Emosional və ya maddi artıqlıqlardan qurtulmaqla da özünüzü daha yüngül hiss edə bilərsiniz. Daha dərin fikirlər əldə etmək və məlumatlılığı inkişaf etdirmək şansı sizə tapşırıqları daha ağıllı yerinə yetirməyə, ailə münasibətlərinizi yaxşılaşdırmağa və ya müsbət sağlamlıq addımları atmağa kömək edə bilər.

Qız bürcləri üçün 2024-cü il təhsil və ticarət sahələrindəki yüksəlişlərlə yadda qalacaq. 2023-cü il Qızların sevgi münasibətlərində müsbət dəyişikliklər oldu. 2024-cü ildə isə bu tendesiya davam edəcək. Hətta daha da irəliləyərək münasibətlər rəsmiləşə də bilər. Bu proseslər əsasən aprel-may ayları olacaq. Həmin aylar evlilik təkliflərinə hazır olun!

İlin ilk yarısı həmçinin Qızları yeni iş təklifləri gözləyir. Bu təklifləri düzgün qiymətləndirərək uzunmüddətli və sevdiyiniz işə sahib olacaqsınız. Xaricdə təhsil, ailədaxili problemlərin həlli üçün də 2024-cü il gözəl il hesab olunur. İlin sonuna qədər  həyata keçirmək istədiyiniz hədəf və planlarınızı təyin etməyə çalışın. Bu dövrdə pozulmalar və problemlər yarana bilər, sağlamlığınıza xüsusi diqqət yetirin.

 

 

Ulduzlar sistemində 6-cı yeri tutan Qız bürcü təxminən avqustun 24-dən sentyabrın 23-nə qədər (30 gün) olan dövrü əhatə edir. Bu bürcdə doğulan şəxslər ciddi və ləyaqətlidirlər. Təvazökarlıq onların xarakterinin ən gözəl xüsusiyyətidir. Qızın çox gözəl davranış qaydaları vardır. Onlar özlərini məclislərdə, cəmiyyət qarşısında əsl xanım və ya cənab kimi aparırlar.
Qız bürclü şəxslərlə özünüzü səmimi, olduğunuz kimi aparın. Qız yalanı, qeyri-səmimiliyi sevmir. Onların xoşuna gəlmək üçün hisslərlə yox, ağılla hərəkət edin. Onlara göstərin ki, siz praktikliyi, düzgünlüyü həyatda hər şeydən üstün tutursuz.
Onları bahalı restorana dəvət etməyin, çünki qız artıq pul xərcləməyi sevmir. Əgər keçirdiyiniz məclislər evdədirsə, onda çoxlu adamlar, tanışlar çağırmayın. Hamının gözü qarşısında ona kompliment söyləməyin.
Əgər görüşə çağırdığınız şəxs qız bürclü qadındırsa, ona qarşı çox diqqətli, nəzakətli olun. Qeyri-adi gözəl davranış qaydaları ilə onun ürəyinə yol tapın.
Söhbəti əsasən ondan məsləhət almaq üçün açın, guya siz hansısa bir məsələyə dair nə qərara gələcəyinizi bilmirsiz. Qız bürclü insanlar məsləhət verməyi sevirlər.
Onlar öz sağlamlığına qarşı çox diqqətlidir. Onunla rasional qida haqqında danışa, idman və sağlamlıq jurnallarından söhbət aça, yeni məqalələr haqqında məlumat verə bilərsiz.
Onlara qarşı diqqətli olun. Təyin etdiyiniz vaxtdan gec olmayaraq görüşə getməyi unutmayın. Görüşə gecikmək yarımçıq adamların işidir.
Qız bürclü şəxs seçdiyi insana hörmətlə yanaşır. Siz də ona qarşı elə olun. Yadda saxlayın ki, qız bürclü insanlar realistdirlər. Ona görə də, boş yerə vəd verməyin. Qıza ən böyük hədiyyə kitabdır. Oxumağı, mütaliə etməyi sevdiyindən bağışladığınız hər bir kitab onun üçün ən əziz xatirədir.

QIZ BÜRCÜ KİŞİLƏRİ

Qız bürcündə doğulan kişi; Varlı da olsa, daim çalışsa da yenə pul istəyir. Onun sərvətə hörməti böyükdür. Dolayısıyla, zəngin və imkanlı qadınlar onun diqqətini çəkir. Bu kişi sevgidən qorxar. Bu məsələdə məğlub olmadığı bir utancaqlığı var. Onunla evlənmək istəyirsinizsə əvvəl dost olmalısınız. Praktikdir, onun analitik ağlı risk ehtimalını hesablayır. O, bir səhvi iki dəfə etmir. Hesab edir ki, insanlar onun qaydaları üzrə yaşamalıdırlar; ona görə də hər şeyə tənqidi yanaşır. Bu isə dost və sevgili qazanmaq prosesinə mane olur. Bundan əlavə, Qız kimliyindən asılı olmayaraq heç kəsə yaltaqlanmağa özünü məcbur edə bilmir.Subayların çoxusu bu bürc altında doğulub. Onlar öz işiərinə o qədər aludə olurlar ki, sevgi macəraları barədə düşünməyə vaxtları qalmır. Əla işçidir. Öz xarici görkəminin qayğısına qalır. Lakin əsəbi temperamenti var, ətrafı və mühiti sakit olsa, özünü yaxşı cəhətdən tam göstərə bilir. Kişi-Qız həddən artıq təkid eyləyən deyil; gözləyər ki, qadın onu yatağa dəvət etsin. Qadınların dalınca düşən deyil, istəyir ki, onun arxasınca ov etsinlər. Uzun müddətli münasibətdən sonra, qadınla uyğunlaşır və ona öz təklifini bildirir. Bu da ki, çox götür-qoydan sonra baş verir. Ancaq qadına romantika lazımdırsa, bunu onun özü yaratmalıdır. Öz növbəsində Qız öz sevgilisi qadına təhlükəsizlik və sədaqət vəd edir. Boş vaxtını bağda və ya mütaliə ilə keçirməyə üstünlük verir.

 

QIZ BÜRCÜ QADINI

Qız bürcü qadınının həyatında, gözəlliyin və hisslərin yeri böyükdür. Hər şeydən əvvəl Qız bürcü qadını evinə çox düşkündür. Evi çəkib çevirməkdən zövq duyur. Ağıllı və məntiqli olduğu üçün bunda heç bir çətinlik çəkməz. Evi hər zaman səliqəli və zövqlüdür. Dostluğa və yoldaşlığa çox əhəmiyyət verir. Ətrafı daim insanlarla doludur. Çünki çıxışı və ağıllı sözləri sayəsində insanları özünə birləşdirməyi bilir. Zaman içində tənqidçi olmasına baxmayaraq hər kəsi olduğu kimi qəbul edir.O, ciddi və ləyaqətli qadındır. Təvazökarlıq fitri keyfiyyətidir və heç vaxt öz nailiyyətləri ilə lovğalanmır. Cözəl maneraları var, özünü əsl xanım kimi aparır. Lakin qabaqcadan düşünülmüş situasiyalarda sizə elə sözlər deyər ki! Bu vaxt özünüzü qoruyun. O, özünü təkmilləşdirməyə inanır və öz vəziyyətini yaxşılaşdırmaq üçün çox çalışır. Ədəbiyyat və incəsənətlə maraqlanır.
Səxavətli, səbirli və xeyirxahdır, lakin eyni zamanda məqsədyönlü, soyuq və rasionaldır; həmişə ürəyinə deyil, idrakına qulaq asır. Hər hansı bir yolu seçsə, heç kim onu bu yoldan döndərə bilməz. Enerjisi iki-üç qadına bəs edər. O, kişinin nə istədiyini bilir. Yaxşı analitikdir. Məqsədi praktik və realdır.
Ərə gec gedir. Əla evdarlığı var. Gözəl ana (hərçənd ki, bir az ciddi də ola bilər) və maraqlı həyat yoldaşıdır. Seks onu sadəcə bir həzz kimi deyil, nəsli davam etdirmək nöqteyi — nəzərdən maraqlandırır. Bir qayda olaraq ahıl yaşlarına qədər yaxşı qalır. Kiçik məclisləri xoşlayır, qeyri-adi dərəcədə səliqəlidir. İntellektual oyunları asanlıqla həll edir. Özünün ideallaşdırdığı kişiyə, onun xəyalındakı obrazına sədaqətlidir, ancaq emosiya və duyğularınıgizlədir. Kişinin gəlbinə yol tapa bilir, vəziyyətin ağasına çevrilməyi bacarır.