Doğum cədvəlinin hesablanması

Bu gün enerjini daha çox iş və məhsuldarlığa yönəltmək istəyəcəksən. Sənə verilən vəzifələri vaxtında və diqqətlə yerinə yetirmək üçün güclü istək hiss edəcəksən. Ətrafındakı insanlarla ünsiyyətində dürüstlük və açıq danışıq ön planda olacaq. Gün ərzində planlı addımlar atmaq uğur gətirəcək. Axşam saatlarını sakit bir şəkildə keçirmək özünü toparlamağına kömək edəcək.

 

Həftənin əvvəlində enerjiniz yüksəlsə də, bəzi kiçik anlaşılmazlıqlar sizi planlarınızdan yayındıra bilər. Merkuri-Mars təsiri sizi daha qətiyyətli və açıq danışan edəcək, buna görə iş və şəxsi söhbətlərdə birbaşa ifadə tərziniz diqqət çəkəcək. Yeni Ay isə gündəlik həyatınızda yeni vərdişlər formalaşdırmaq üçün motivasiya verəcək. Bu dövr idmana başlamaq və ya pəhriz dəyişdirmək üçün əladır. Sevdiklərinizlə ünsiyyətdə daha yumşaq ton istifadə etmək münasibətlərinizi gücləndirəcək. Həftənin ortasında kiçik bir gözlənilməz hadisə sizə yeni bir fürsət qapısı aça bilər. Dost çevrənizdən gələn dəstək motivasiyanızı artıracaq. Maddi mövzularla bağlı kiçik bir xəbər sizi sevindirə bilər. Ailə içində məsuliyyətlərinizi bölüşmək gərginliyi azaldacaq. Həftənin sonunda romantik bir jest ya da xoş sürpriz sizi gülümsədə bilər.

Avqust ayı Qoç bürcü üçün dinamika və dönüş nöqtələri ilə dolu bir dövr olacaq. Ayın ilk günlərindən etibarən motivasiyanız artacaq və həyatınızda yeni səhifələr açmaq üçün içdən bir ehtiyac hiss edəcəksiniz. Ətrafınızdakı insanlarla münasibətləriniz daha emosional və duyğusal olacaq, bu isə həm şəxsi, həm də iş həyatınızda qərarlarınıza təsir edə bilər. Subay Qoçlar üçün bu ay yeni tanışlıqların reallaşması mümkündür və bu tanışlıqlar gözlənilməz şəkildə dərin hisslərə çevrilə bilər. Münasibətdə olanlar isə bir-birini daha yaxşı tanımaq və ortaq hədəflər müəyyənləşdirmək üçün vaxt ayırmalıdır. Hisslərinizi ifadə etməkdən çəkinməyin, çünki açıq ünsiyyət bu ay sizin üçün çox vacib olacaq.

2025-ci il Qoç bürcü üçün böyük bir potensiala sahib olacaq. Bu il, təbii liderlik bacarıqlarınız ön plana çıxacaq və bu, həm işdə, həm də şəxsi həyatda çox müsbət nəticələrə gətirib çıxaracaq. Həm şəxsi, həm də peşəkar münasibətlərdə yüksəlişlər gözlənilir. Ulduzlar sizə yeni imkanlar və təkliflər gətirəcək. Xüsusilə karyera sahəsində yeni layihələr və təkliflər ortaya çıxa bilər, bununla yanaşı, iş həyatınızda həm peşəkar əlaqələr, həm də nüfuzunuz artıracaq.

Sevgi və münasibətlər: 2025-ci ildə romantik əlaqələrdə zaman zaman gərginliklər yaşanacaq. Bu, ilk başlarda sizə çətinlik kimi görünə bilər, amma əslində, bu gərginliklər münasibətlərinizin daha dərin və uzunmüddətli olmasına zəmin yaradacaq. Əgər artıq münasibətiniz varsa, sevginizdə dərin bir əlaqə qurmaq və qarşı tərəflə dürüst bir şəkildə ünsiyyət qurmaq çox vacib olacaq. Ümumiyyətlə, sevgi həyatınızda yeni başlanğıclar və daha çox anlayış olacaq.

Sağlamlıq: Həddindən artıq iş yükü və təzyiq sizin fiziki və emosional sağlamlığınıza təsir göstərə bilər. Məşq etmək, düzgün qidalanmaq və stresdən uzaq durmaq çox vacibdir. Gündəlik idman və meditasiyaya vaxt ayırmaq, bədəninizə diqqət yetirmək və psixoloji rahatlıq üçün lazım olan hər şeyi təmin edəcək.

Maliyyə: Bu il maliyyə sahəsində irəliləyişlər olacaq. Yüksək gəlirli yeni iş təklifləri və ya layihələr sizə daha çox maddi rahatlıq gətirə bilər. Eyni zamanda, çox çalışmağa və yeni imkanlardan istifadə etməyə hazır olun. Lakin, sərmayə qoyuluşlarında ehtiyatlı olmalısınız, çünki bəzi risklər ola bilər.

Ulduzlar sistemində ilk yeri tutan qoç bürcü martın 21-dən aprelin 20-nə qədər olan müddəti (31 gün) əhatə edir. Ünsürü od, planeti Mars və Günəş, xoşbəxt rəqəmi 9 (9 işlənən bütün rəqəmlər), astroloji rəngi moruğu, qırmızı, sarı-qızılı və bütün parlaq rənglər, qiymətli daşları almaz, akvamarin və ametistdir.
Son dərəcə hərəkətli və dinamikdir. İstəkləri də son dərəcə güclüdür. Hətta həyatını istəkləri istiqamətləndirir. Hərəkətləri ani, reaksiyaları isə sərtdir. O həmçinin müstəqilliyinə çox düşkündür. Hər şeyin açıq olmasından xoşu gəlir. Əgər bir məsələdə fərqli düşünürsə, bunu gizlətməyin saxtakarlıq olduğuna inanır. Qoç dünyaya cəngavərlik, canlılıq və həyatda qalma dəlili ilə silahlanmış olaraq gəlir. Hər cür əngəllərə və şübhəyə baxmayaraq, arzu və iradənin üstün gələ bilməsi qabiliyyətini təmsil edər. Dürüstlük, həvəs, müstəqillik və cəsarət qoçun mənbələridir. Boş nəzəriyyələrə baş yormayan, lazımsız duyğusal incəliklərinə vaxt xərcləməyən, xaricə yönəlmiş bir idealistdir.

Bu işarə altında dünyaya gələnlər adətən ortaboylu, orta çəkili, ala və ya qəhvəyi gözlü olurlar. Nisbətən sarı bəniz, yuxarı dartılmış çatma qaşlar, qabarıq burun, şabalıdı saçlar, qabağa çıxmış iri dişlər və al-macıq sümüklər, dəyirmi al yanaq, quru, pıtraq, bəzən də qıvrım saçlar, enli sümük, dəqiq, ifadəli baxışlar qoçlar üçün xarakterikdir.

Qoçlara tez-tez kompliment söyləməyi, onları tərifləməyi yaddan çıxarmayın. Tərifləmə əsasən xarici görünüşünə, ağlına, istedadına görə olmalıdır. Əgər siz qoçlarla görüş təyin etmisizsə, məbadə bu görüşə gecikəsiz. Bu hər şeyi korlaya bilər. Qoçlar çox vaxt özləri məsuliyyətli olmasalar da, insanlarda bunu qiymətləndirə bilirlər. Özü gecikən zaman gecikmənin səbəbini böyük bir hadisə kimi danışacaq. Bu söhbət əsnasında igidliyindən, ağlından necə məharətlə istifadə edib bu görüşə gəldiyini söyləməkdən çəkinməyəcək. Qoçlarla münasibətdə lider olmaqdan çəkinin. Sadəcə olaraq, hər şeydə onunla razılaşın.
Qoç bürcündə doğulan qadınlar da, kişilər də çox aqressivdirlər. Bunu nəzərə alın. Onları hirsləndirməkdən çəkinin. Ailədə qoçlar başçı olmağı və hər şeyə özləri nəzarət edib qərar verməyi xoşlayırlar.

Qoça enerji verən iş və ya yeni ideya olmadıqda, az qala bütün dünya onun gözündən düşür. Lakin adətən bu hal tez keçib gedir və Qoç yenə də həmişəki nikbin vəziyyətinə qayıdır. Düşüncə və ideya baxımından ona da-ha çox yabanı, cilanlanmamış, lakin çox böyük enerjiyə malik olan ideyalar xarakterikdir. O, bir qədər dar düşünür və etiraza qulaq asmır.

Acıdil, çoxdanışan, «Həmişə öz fikrim həqiqətdir» düşüncəsində olan qoçlar başqaları tərəfindən qəbul edilməyəndə məyus olur, bəzən sakit bir guşəyə çəkilib insanlardan təcrid də olunurlar. Amma heç vaxt ruh düşkünlüyünə mübtəla olmur, əksinə, daha əzmkarlıqla mənəvi boşluqlarını qısa bir zamanda doldurmağa çalışırlar.
 

QOÇ BÜRCÜ KİŞİLƏRİ

Qoç bürcündə doğulan kişilərlə qadınların müştərək tərəfləri olmaqla birlikdə heç bənzəməyən cəhətləri də çoxdur. Ulduzu Mars, Qoç bürcündə olan kişiyə cəsarət, qoçaqlıq, qanışirinlik, təsir gücü, hiddət, şiddət, enerji verir. Bu tip kişi ilə yaşamaq o qədər də asan deyil. Çünki Qoç bürcünün kişisi hər şeydən əvvəl öz fikirlərinin, fikir və xüsusiyyətlərinin düzgün olduğuna inanır.

 

QOÇ BÜRCÜ QADINI

Qoç bürcündə doğan qadınlarda eynilə kişilər kimi özlərini üstün görən, mətanətli, cəsur, qısqanc, cana yaxın, cazibəli tiplərdir. Qoç bürcü qadını ehtiraslıdır və yüksəlməyə iddialıdır. Qoç bürcü qadınları üçün iş həyatı, bir az pul gətirəcək və onları əyləndirəcək bir vasitə sayılmaz. Çalışma onların həyatda yüksəlmələrini, bol pula sahib olmalarını və adlarını çatdırmalarını təmin etməlidir. Həm bu tiplər, cazibədən də yararlanaraq tez-gec istədikləri mövqeyə nail olurlar.