Xəbərə hadisə yerindən video əlavə olunub.
***
Saat 16:10
Baş Prokurorluq Balakəndə törədilən qətllə bağlı məlumat yayıb.
Qurumun Mətbuat xidmətindən Lent.az-a bildirilib ki, iyulun 27-də Balakən rayon sakini 2001-ci il təvəllüdlü Əbdürəhmanova Emilya Məzahir qızının bıçaqla qəsdən öldürməsi barədə rayon prokurorluğuna məlumat daxil olub.
Aparılmış araşdırmalarla zərərçəkmişin əri, 1995-ci il təvəllüdlü Elton Layicovun qısqanclıq zəminində arvadına bıçaq xəsarətləri yetirərək öldürməsinə əsaslı şübhələr müəyyən olunub.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Elton Layicov şübhəli şəxs qismində tutulub.
***
saat 14:49
Balakəndə boğazı kəsilən qız xəstəxanada ölüb.
Lent.az-ın məlumatına görə, həkimlərin səyinə baxmayaraq Emilya Abdurahmanovanı xilas etmək mümkün olmayıb.
***
saat 13:33
Balakəndə kişi birgə yaşadığı qadına ağır xəsarət yetirib.
Lent.az APA-ya istinadən xəbər verir ki, Balakən rayonunun Qazma kənd sakini Elton Layıcov qeyri-rəsmi nikahda yaşadığı rayon sakini, 2001-ci il təvəllüdlü Abdurahmanova Emilya Məzahir qızının boğaz nahiyəsini kəsib.
Keçirilmiş tədbir nəticəsində hadisəni törətməkdə şübhəli sayılan Elton Layıcov saxlanılıb.
Faktla bağlı Balakən Rayon Polis Şöbəsində araşdırma aparılır.
***
13.15
Balakəndə kişi qadının boğazını kəsib.
Lent.az APA-ya istinadən xəbər verir ki, hadisə günorta saatlarında Balakən şəhərində baş verib.
Xəsarət alan qadın Balakən Mərkəzi Rayon Xəstəxanasına aparılıb və cərrahiyyə əməliyyatına götürülüb.
Hüquq-mühafizə orqanlarının əməkdaşları hadisə yerində araşdırma aparır.