Sumqayıt Dövlət Universitetinə yeni rektor təyin edildi - SƏRƏNCAM

Sumqayıt Dövlət Universitetinə yeni rektor təyin edilib. Lent.az-ın məlumatına görə, dövlət başçısı İlham Əliyevin sərəncamı ilə Elxan Bahadur oğlu Hüseynov Sumqayıt Dövlət Universitetinin rektoru təyin olunub.

Qeyd edək ki, E. Hüseynov 2010-cu ilə qədər Azərbaycanın Türkmənistandakı fövqəladə və səlahiyyətli səfiri vəzifəsində fəaliyyət göstərib. 2010-2011-ci illərdə BDU-nun beynəlxalq əlaqələr üzrə prorektoru, 2013-cü ilin avqustun 15-dən isə təhsil nazirinin müşaviri vəzifəsində işləyib.

2013-cü ilin dekabrında Sumqayıt Dövlət Universitetinin tədris işləri üzrə prorektoru vəzifəsinə təyin olunub. Həmçinin, SDU-nun rektoru vəzifəsinin icrası müvəqqəti olaraq ona həvalə edilib.

Uzun illər Sumqayıt Dövlət Universitetinin (SDU) rektoru işləmiş Nadir Qəhrəmanov ötən ilin dekabrında tutduğu vəzifədən azad olunub.