Gənclər üçün Təhsil Mərkəzi Gəncədə əlil gənclərlə görüş keçirib

Gənclər üçün Təhsil Mərkəzi Gəncə Regional Ofisinin təşəbbüsü ilə Gəncə şəhərində Beynəlxalq Əlillər Günü münasibətilə “Sevgimizi paylaşaq” adlı əlilliyi olan gənclər üçün görüş təşkil edib. Lent.az-ın məlumatına görə, tədbiri giriş sözü ilə açan Mərkəzin Gəncə regional ofisinin rəhbəri Aygün Həsənzadə bildirib ki, əlilliyi olan insanların reabilitasiyası və onların peşə imkanlarının artırılması istiqamətində ölkə rəhbərliyi tərəfindən mühüm qərarlar qəbul olunur. Təsadüfi deyil ki, Azərbaycan 22 ildən artıqdır bazar iqtisadiyyatı şəraitində yaşamasına baxmayaraq, özünün “sosial dövlət” statusunu qoruyub saxlayır.

Tədbirdə Powerlifting üzrə 2-ci Azərbaycan çempionatında 1-ci yer tutmuş Nurlan və Əli Babacanov qardaşları olmaqla, ümumilikdə 30 nəfər əlilliyi olan gənc iştirak edib.

Daha sonra Gəncə şəhərinin ictimai həyatında aktivliyi ilə seçilər əlil gənclər Mərkəz tərəfindən fəxri fərmanla təltif edilib.

Tədbir Əlil Qadınlar Cəmiyyətinin Gəncə Bölməsi, Ayguloğlu Restoranı, “Pendik” Elitar Uşaq İnkişaf Mərkəzinin texniki dəstəyi ilə keçirilib.