DİQQƏT: Bu ərazilərdə qaz olmayacaq

Bu gün bəzi ərazilərdə qaz təchizatı dayandırılıb.

Bu barədə Lent.az-a “Azəriqaz” İstehsalat Birliyinin mətbuat xidmətindən məlumat verilib. Bildirilib ki, sentyabrın 27-də səhər saat 09:00-dan işlər başa çatanadək yeni çəkilən qaz xətlərinin mənbəyə birləşdirilməsi ilə əlaqədar Gəncə şəhərinin bir hissəsində qaz təchizatı dayandırılıb.

Saat 09:30-dan etibarən isə aşkar olunmuş qaz sızmalarının ləğvi və digər təmir-bərpa işlərinin aparılması ilə bağlı Ağstafa rayonunun mərkəzi və bir neçə yaşayış məntəqəsində qaz fasilələrlə veriləcək.

Saat 12:00-dan isə Nizami rayonu, Qara Qarayev, E.Süleymanov, B.Nuriyev, Naxçıvanski, Rüstəmov, A.Manafov, Nəvai küçələrində qaz təchizatı dayandırılacaq. Bu zaman “8-ci km Əsas” orta təzyiqli qaz xəttində bir sıra mövsümi işlər görüləcək.