Nazirlər Kabineti 1 nömrəli Ailə tipli kiçik qrup evinin Təhsil Nazirliyinin tabeliyinə verilməsi və “Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı”nda dəyişiklik edilməsi haqqında qərar verib.
Lent.az-ın verdiyi məlumata görə, qərara əsasən, Bakı şəhərinin Xəzər rayonunun Şüvəlan qəsəbəsində yerləşən 1 nömrəli Ailə tipli kiçik qrup evi Təhsil Nazirliyinin tabeliyinə verilib.
1 nömrəli Ailə tipli kiçik qrup evinin maliyyələşdirilməsi Azərbaycan Respublikasının 2013-cü il dövlət büdcəsinin mərkəzləş-dirilmiş xərclərində Təhsil Nazirliyi üçün nəzərdə tutulmuş vəsaitlər hesabına həyata keçiriləcək. Təhsil Nazirliyi 1 nömrəli Ailə tipli kiçik qrup evinin fəaliyyətinin təmin edilməsi üçün zəruri tədbirləri həyata keçirməlidir.
1 nömrəli Ailə tipli kiçik qrup evi “Təhsil Nazirliyinin strukturuna daxil olmayan tabeliyindəki qurumların Siyahısı”nın “Ümumi təhsil müəssisələri” bölməsinə salınıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
