Bakı şəhər İcra Hakimiyyəti Nazirlər Kabinetinin qarşısında aksiya keçirilməsinə icazə verməyib.
Lent.az-ın xəbərinə görə, icra hakimiyyəti bu gün müraciətə cavab verib.
Qeyd edilib ki, “Sərbəst toplaşmaq azadlığı haqqında” qanunun 5-ci maddəsinin 1-ci hissəsinə əsasən, toplantının keçirilməsi barədə müraciət 5 iş günü əvvəl edilməlidir. Bu tələb pozulduğuna görə toplantının keçirilməsinə icazə verilməyib.
İyulun 13-də saat 12.00-da Nazirlər Kabinetinin binası qarşısında “Ölkənin quru sərhədlərini açın” tələbilə dinc etiraz piketi keçirilməsi planlaşdırılırdı.