Tyorbörn Yaqland: “Avropa Şurasının Azərbaycanla bağlı Fəaliyyət Planının icrasını əsas prioritet hesab edirəm”

“Avropa Şurasının Azərbaycanla bağlı qəbul etdiyi Fəaliyyət Planının həyata keçirilməsini əsas prioritet təşkil edən məsələ kimi görürəm”.

Bunu APA-ya açıqlamasında Avropa Şurasının baş katibi Tyorbörn Yaqland deyib.

Baş katib Azərbaycan prezidenti İlham Əliyevin Avropa Şurasına səfəri çərçivəsində onunla keçirdiyi görüşdən də danışıb: “Mən prezident İlham Əliyevlə görüşümdə təklif etdim ki, Azərbaycandakı qeyri-hökumət təşkilatları ilə Prezident Administrasiyası arasında yaradılmış komitənin fəaliyyətini Avropa Şurasının baş katibinin təyin etdiyi nümayəndənin də vasitəçiliyi ilə bərpa edək. Prezident bu təklifə baxıla biləcəyini dedi. Mən bu məsələni dünən azərbaycanlı QHT nümayəndələri ilə görüşümdə də qaldırdım. Onlar da bu təklifi dəstəklədilər”.