Elmar Məmmədyarov BMT Baş Assambleyasının 67-ci sessiyasının prezidenti ilə görüşüb

Azərbaycanın BMT ilə əməkdaşlığının hazırkı vəziyyəti, Azərbaycan-Serbiya ikitərəfli münasibətləri müzakirə edilib

Xarici işlər naziri Elmar Məmmədyarov Münhen Təhlükəsizlik Konfransında iştirakı çərçivəsində BMT Baş Assambleyasının 67-ci sessiyasının prezidenti və Serbiyanın sabiq xarici işlər naziri Vuk Yeremiç ilə görüşüb. Xarici İşlər Nazirliyinin mətbuat xidmətindən Lent.az-a verilən məlumata görə, görüşdə Azərbaycanın BMT ilə əməkdaşlığının hazırkı vəziyyəti və inkişaf perspektivləri, Azərbaycan-Serbiya ikitərəfli münasibətləri müzakirə edilib.

Eyni zamanda qarşılıqlı maraq kəsb edən məsələlər haqqında fikir mübadiləsi aparılıb.