Azərbaycanın YUNESKO-da yeni daimi nümayəndəsi təyin edildi - SƏRƏNCAM

Azərbaycanın YUNESKO-da yeni daimi nümayəndəsi təyin edilib. Lent.az-ın məlumatına görə, bu barədə prezident İlham Əliyev sərəncam imzalayıb. Sərəncama əsasən, Anar Qabil oğlu Kərimov Azərbaycan Respublikasının YUNESKO yanında daimi nümayəndəsi təyin olunub.

Dövlət başçısının digər sərəncamı ilə A. Kərimova ikinci dərəcəli fövqəladə və səlahiyyətli elçi diplomatik rütbəsi verilib.

Qeyd edək ki, bu təyinata qədər A. Kərimov YUNESKO yanında Daimi Nümayəndəlikdə müvəqqəti işlər vəkili vəzifəsində çalışıb.