[b]Hikmət Hacıyev:[/b] “Azərbaycanın vahid Çin siyasəti ilə bağlı mövqeyi dəyişməzdir”

“Azərbaycanın vahid Çin siyasəti ilə bağlı mövqeyi dəyişməz, aydın və ardıcıl xarakter daşıyır”.

APA-nın məlumatına görə, bunu Tayvanda keçirilmiş regional seçkilərlə əlaqədar KİV-in sorğusunu cavablandıran Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev deyib.

O qeyd edib ki, Azərbaycan vahid Çin prinsipinə uyğun olaraq, beynəlxalq hüquq çərçivəsində məsələnin sülh yolu ilə inkişafını və nizamlanmasını dəstəkləyir.