Patrisiya Kaas Bakıdakı otel otağına 36 dəsmal sifariş verib

Fransalı müğənni Patrisiya Kaas bu gün Bakıya gəlir. Lent.az-ın məlumatına görə, axşam saatlarında Heydər Əliyev adına Hava Limanına enəcək müğənni Bakını gəzib, görmək üçün konsertindən iki gün öncə gəlməyə üstünlük verib.

Paytaxt otellərinin birində məskunlaşacaq ifaçı artıq kaprizlərini göstərib. Jurnalistlərin qarşısına çıxmağa razılaşan Patrisiya fikrindən daşınıb və hələ ki, dəqiq qərara gələ bilməyib.

Əldə etdiyimiz məlumata görə, Kaasın qəribə tələbləri də var. O, otel otağına 36 ədəd dəsmal sifariş verib.

Xatırladaq ki, müğənninin konserti mayın 29-da sat 20:00-da Heydər Əliyev Sarayında baş tutacaq. Konsertin təşkilatçısı “Baku Events” şirkətidir.