Musa Musayev Nazəninin prodüserini 1 illik cəzalandırdı - MƏHKƏMƏ

Azərbaycanlı ifaçı Musa Musayevlə müğənni Nazəninin prodüseri Pərviz Abbasov (Pərviz Fəqan) arasında olan məhkəmə prosesi ötən gün yekunlaşıb. Lent.az-ın məlumatına görə, məhkəmə qərarına əsasən Pərviz Abbasovun əmək haqqından 15 faiz tutulmaqla, 1 il müddətinə islah işi cəzasına məhkum edilib. Bundan başqa prodüser cəzası bitənə qədər ölkəni tərk edə bilməz. Bir il müddətinə dövlətin hesabına pul köçürtməsə, işləməsə daha sərt cəza tətbiq olunacaq.

Xatırladaq ki, 2014-cü ilin noyabr ayında Bakı şəhərində restoranların birində müğənni Arzu Mələyin ad günündə tərəflər arasında insident yaşanmışdı.