Azərbaycan “Eurovision-2014” finalında – Nəticələr – Siyahı - YENİLƏNİB

Mayın 6-da Danimarkanın paytaxtı Kopenhagendə “Eurovision 2014” mahnı müsabiqəsinə ilk yarımfinalı keçirilib.

Lent.az-ın məlumatına görə, Bakı vaxtı ilə saat 00:00-da başlayan müsabiqədə təmsilçimiz Dilarə Kazımova 16 iştirakçının yarışdığı siyahıda 8-ci nömrə altında səhnəyə çıxıb. İştirakçılar ifalarını təqdim etdikdən sonra aparıcılar səs verməyə başlayıb.

D.Kazımova finala vəsiqə qazanan 10 iştirakçıdan biri olub. Latviya,Estoniya , Albaniya, Belçika, Moldova, Portuqaliya təmsilçiləri isə finala vəsiqə qazana bilməyib.

Birinci yarımfinalın səs verməsindən sonra finala vəsiqə qazanan ölkələr aşağıdakılardır:

1.Monteneqro - Sergey Çetkoviç

2.Macarıstan - Andras Kallay Sonders

3.Rusiya - Tolmaçova bacıları

4. Ermənistan - Aram Sərkisyan

5. Azərbaycan – Dilarə Kazımova

6. San - Marino - Valentina Monetta

7.Ukrayna - Mariya Yaremçuk

8.İsveç - Sanna Nilsen

9.Niderland - İlze Delanj və Ueylona dueti

10.İslandiya - “Pollapönk” qrupu

Onu da əlavə edək ki, müsabiqənin sonuncu qalibi Danimarkadan savayı 5 ölkə -Almaniya, Britaniya, Fransa, İspaniya, İtaliya finala birbaşa vəsiqə qazanıb.

Qeyd edək ki, “Eurovision-2014” yarışması “İctimai” kanalda yayımlanır.

Müsabiqənin ikinci yarımfinal isə mayın 8-də keçiriləcək.