Aybəniz Haşımova: "Qızım məni bəxtəvər ana etdi"

Əməkdar artist Aybəniz Haşımovanın qızı Aynişan Quliyeva Türkiyədəki təhsilini başa vurub. Lent.az-ın məlumatına görə, ifaçı bu barədə sosial şəbəkədə yazıb: “Hər bir valideynin arzusu övladının təhsildə böyük nailiyyətlər qazanması, ailə səadəti və can sağlığının olmasıdır. Dünyaya gələn gündən məni xoşbəxt edən, həyatımın işığı olan balam bu gün ən bəxtəvər analardan etdi. “Magistraturanın son imtahan mərhələsindən A qiyməti aldım” dedi. Bu sözləri ilə canımdakı illərin yorğunluğunu götürdü. Düzdü, heç vaxt bu sözü deməyimi istəmir, amma deyəcəm: Aynişan, anan qadanı alsın”.