“Eurovision-2014” başlayır: Ermənistanla Azərbaycan eyni QRUPDA

Bu gün Danimarkanın paytaxtı Kopenhagendə “Eurovision 2014” mahnı müsabiqəsinə start verilir. Lent.az-ın məlumatına görə, Bakı vaxtı ilə saat 00:00-da başlayacaq ilk yarımfinalda təmsilçimiz Dilarə Kazımova çıxış edəcək. O, birinci yarımfinalda 16 iştirakçı arasında 8-ci sırada olacaq.

Xatırladaq ki, 1-ci yarımfinalda Azərbaycanla eyni qrupda Ermənistanda yer alıb. Aram Sərkisyan ifasını 1-ci təqdim edəcək.

Onu da əlavə edək ki, “Eurovision-2014” yarışması “İctimai” kanalda Bakı vaxtı ilə saat 00:00-da canlı yayımlanacaq.

Qeyd edək ki, müsabiqənin sonuncu qalibi Danimarkadan savayı 5 ölkə Almaniya, Britaniya, Fransa, İspaniya, İtaliya finala bir başa vəsiqə qazanıblar.

Bu gün Birinci yarımfinalda iştirak edəcək ölkələrin siyahısı

Ermənistan - Aram Sərkisyan
Latviya - “Aarzemnieki” qrupu
Estoniya - Tatyana Mixaylova
İsveç - Sanna Nilsen
İslandiya - “Pollapönk” qrupu
Albaniya - Hertsiana Matmuya
Rusiya - Tolmaçova bacıları
Azərbaycan - Dilarə Kazımova
Ukrayna - Mariya Yaremçuk
Belçika - Aksel İrsu
Moldova - Kristina Skarlat
San Marino - Valentina Monetta
Portuqaliya - Suzana Qerra
Niderland - İlze Delanj və Ueylona dueti
Monteneqro - Sergey Çetkoviç
Macarıstan - Andras Kallay Sonders

Mayın 8-i İkinci yarımfinal təsilçiləri

Malta - “Fireligt” qrupu
İsrail - Mey Feynqold
Norveç - Karl Espen Turbyornsen
Gürcüstan - “Shin” qrupu və Mariko Ebralidze
Polşa - Donatan və Kleo dueti
Avstriya - Konçita Vurst
Litva - Viliya Mataçyunayte
Finlandiya - “Softengine” qrupu
İrlandiya - Can-Linn və Keysi Smit dueti
Belarus - Yuri Vaşçuk (Teo)
Makedoniya - Tiyana Dapçeviç
İsveçrə - Sebalter
Yunanıstan - “Freaky Fortune” qrupu və Riskykidd
Sloveniya - Tinkara Kovaç
Rumıniya - Paula Selinq və Ovi Martin dueti.