Aygün Kazımova canlandırdığı fahişə obrazı barədə: "Özümə gələ bilmirdim"

"Yaşlı kişi ilə olan səhnədən sonra özümə gələ bilmirdim”. Lent.az-ın məlumatına görə, bu sözləri xalq artisti Aygün Kazımova “ATV Magazin onlarla” verilişinə “Sus” klipində canlandırdığı fahişə obrazından danışarkən deyib:

“O rolda olmaq mənə çox pis təsir etmişdi. Burada söhbət Aygün Kazımovadan yox, bir obrazda cəmlənən minlərlə qadından gedir. Bilirəm ki, bu klipə baxanda çox xanımlar bir şeylər hiss edəcək, susacaq. Bu, yeganə peşədir ki, xoşbəxtlikdən seçilmir. Həmin səhnədən sonra çox ağladım, gözümün yaşı qurudu. Elə bir mövzudur ki, buna baxandan sonra hər kəs gərək doğrudan da, sussun”.