Dünyanın ən bahalı klubları bəlli oldu - SİYAHI

Dünyanın tanınmış "Forbes" jurnalı dünyanın an bahalı futbol klublarının siyahısını açıqlayıb. Lent.az-ın xarici media istinadən verdiyi məlumata görə, bu siyahıya Madrid "Real"ı başçılıq edir. Belə ki, klubun dəyəri son mövsümdə 4 faiz artaraq 3,44 milyard dollar təşkil edib. İkinci yeri 3,2 milyard dollarla Madrid Realının əzəli rəqibi "Barselona" klubu tutur. Növbəti yerdə isə 2,81 milyard dollarla İngiltərənin "Mançester Yunayted " komandası qərarlaşıb.

Xatırladaq ki, ən bahalı klubların "20-liy"ində İngiltərəni 6, İtaliyanın 5, Almaniyanın 4, İspaniyanın 3 klubu yer alıb. Bu siyahıda Türkiyənin “Qalatasaray” klubu 347 milyon dollarla 16-cı yerdədir.