Azərbaycan Kuboku: İlk ¼ final matçlarının başlama saatı açıqlandı

Futbol üzrə Azərbaycan Kubokunda ilk ¼ final oyunlarının başlama saatı açıqlanıb. Lent.az-ın məlumatına görə, martın 12-də keçiriləcək qarşılaşmalardan 2-si eyni saatda start götürəcək.

Saat 15:00-da “Bayıl Arena”da “Rəvan” “Bakı”nı, Naxçıvan Muxtar Respublikası stadionunda isə “Araz Naxçıvan” “Xəzər Lənkəran”ı qəbul edəcək.

Günün ilk matçında “Qəbələ” “Qarabağ”ı sınağa çəkəcək. Qəbələ Şəhər stadionunda keçiriləcək oyun saat 14:30-a təyin olunub. Nəhayət, saat 19:00-da “İnter” Bakıdakı “Şəfa” stadionunda “Neftçi”ni qəbul edəcək.