Traktorla dənizə girdi, az qala boğulacaqdı - BAKIDA

Bakıda traktorla dənizə girmiş şəxs xilas edilib. Lent.az Fövqəladə Hallar Nazirliyinin saytına istinadən xəbər verir ki, Böhran Vəziyyətlərində İdarəetmə Mərkəzinə Sabunçu rayonunda 1 nəfərin traktorla dənizə girməsi və suyun dərinliyi çox olduğundan geriyə quru əraziyə çıxa bilməməsi barədə müraciət daxil olub. Boğulmaq təhlükəsi ilə üzləşmiş şəxs Fövqəladə Hallar Nazirliyinin dalğıc-xilasediciləri tərəfindən xilas edilib. Əməliyyat saat 05:15-də başa çatıb.