Şabranda qətl törədən şəxslərə AĞIR CƏZA

Bu gün Bakı Ağır Cinayətlər Məhkəməsində qətldə təqsirləndirilən Elgiz Cəfərli, xuliqanlıqda təqsirləndirilən İsmayıl İmamverdiyev və və Rafiq Namazovun cinayət işi üzrə məhkəmə prosesi yekunlaşıb.

Lent.az-ın məlumatına görə, hakim Azər Orucovun sədrliyi ilə keçirilən iclasda hökm oxunub. Hakimlər kollegiyasının hökmünə görə, E.Cəfərli 18 il 6 ay, İ.İmamverdiyev 3 il 6 ay, R.Namazov isə 8 ay müddətinə azadlıqdan məhrum edilib.

Qeyd edək ki, keçən il iyulun 15-də Şabran rayon sakini Rövşən Əyyubov kəsilmiş-deşilmiş xəsarətlərlə xəstəxanaya çatdırılıb və ertəsi gün orada dünyasını dəyişib.

Nərimanov Rayon Polis İdarəsinin 18-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində R.Əyyubovu qətlə yetirməkdə şübhəli bilinən E.Cəfərli və xuliqanlıqda təqsirləndirilən digər şəxslər saxlanılıb.