Rusiyada silahlı dəstə yaratmaqda təqsirləndirilən azərbaycanlı İnterpola verilib

Rusiya hüquq-mühafizə orqanları Azərbaycan vətəndaşı barəsində beynəlxalq axtarış elan edib.

APA-nın məlumatına görə, bu barədə İnterpolun saytında məlumat yerləşdirilib. Məlumatda qeyd olunur ki, 1992-ci ildə İmişli rayonunun Soltanmuradlı kəndində doğulmuş Vüsal Bədəlov qanunsuz silahlı dəstənin yaradılmasında iştirakda təqsirləndirilir.

V. Bədəlov Rusiyanı tərk etdiyi üçün barəsində dövlətlərarası axtarış elan edilib və saxlanılması üçün İnterpola müraciət olunub.

Hazırda onun tutulması istiqamətində əməliyyat-axtarış tədbirləri davam etdirilir.