Rusiya ilə sərhəddə axtarışda olan 2 nəfər tutulub – ƏMƏLİYYAT

Quba rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Rusiya Federasiyası Cinayət Məcəlləsinin 111-ci maddəsi (qəsdən sağlamlığa ağır zərər vurma) ilə axtarışda olan Tehran Osmanov tutulub. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, bundan başqa Baş Cinayət-Axtarış İdarəsi, Baş Mütəşəkkil Cinayətkarlıqla Mübarizə İdarəsi və Balakən RPŞ əməkdaşlarının keçirdikləri əməliyyat-axtarış tədbirləri nəticəsində Rusiya Federasiyası Cinayət Məcəlləsinin 111-ci maddəsi (qəsdən sağlamlığa ağır zərər vurma) ilə axtarışda olan Nəriman Maqliyev də yaxalanıb.

Qeyd edək ki, bir neçə gündür ki, Daxili İşlər Nazirliyi Azərbaycanın Rusiya ilə sərhədində Sərhəd-Sipər adı altında əməliyyat-axtarış tədbirləri həyata keçirir.