Oteldə 21 yaşlı qıza 11 bıçaq zərbəsi vurana HÖKM OXUNDU

Bakı Ağır Cinayətlər Məhkəməsində qətl törətməkdə təqsirləndirilən Nəriman Əliyevin cinayət işi üzrə məhkəmə prosesi başa çatıb.

APA-nın məlumatına görə, hakim Rahib Salmanovun sədrliyi ilə keçirilən prosesdə hökm oxunub.

Hökmə əsasən N. Əliyev 18 il müddətə azadlıqdan məhrum edilib.

Qeyd edək ki, ötən ilin sentyabrında Abşeron rayonunda yerləşən "Oskar" otelində 35 yaşlı N. Əliyev yaxın münasibətdə olduğu 21 yaşlı Aysel Orucovanı 11 bıçaq zərbəsi ilə qətlə yetirib. Ona Cinayət Məcəlləsinin 120.2.4 (xüsusi amansızlıqla adam öldürmə) maddəsi ilə ittiham verilib.