Narkotik alverçisinə 9 İL HƏBS

Bu gün Bakı Ağır Cinayətlər Məhkəməsində narkotik maddənin dövriyyəsində təqsirləndirilən Əmrah Mövludovun cinayət işi üzrə məhkəməsi başa çatıb.

Lent.az-ın məlumatına görə, hakim Fikrət Qəribovun sədrliyi ilə keçirilən prosesdə hökm oxunub.

Hakimlər kollegiyasının hökmünə əsasən Ə.Mövludov 9 il müddətinə azadlıqdan məhrum edilib.

Qeyd edək ki, bu il fevral ayında Nərimanov Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Qusar rayon sakini Əmrah Mövludov tutulub. Həmin şəxsdən 9 kiloqram 250 qram marixuana götürülüb.

O, Cinayət Məcəlləsinin 234-cü (narkotik) maddəsi ilə ittiham olunub.