Bakıda rəfiqəsini corabla boğub öldürən qadına 8 İL HƏBS

Bu gün Bakı Ağır Cinayətlər Məhkəməsində rəfiqəsini öldürməkdə təqsirli bilinən 1966-cı il təvəllüdlü Sevinc Hüseynova barəsindəki cinayət işinin məhkəməsi başa çatıb. Lent.az-ın məlumatına görə, hakim Eldar İsmayılovanın sədrlik etdiyi prosesdəS.Hüseynovaya hökm oxunub. Hakimlər kollegiyasının qərarı ilə 48 yaşlı qadın 8 il müddətə azadlıqdan məhrumetmə cəzasına məhkum edilib.

Qeyd edək ki, qətl hadisəsi bu il martın 29-da Binəqədi rayonunda baş verib. Bakı şəhər sakini Sevinc Hüseynova Rəsulzadə qəsəbəsi Musabəyov küçəsində yaşayan tanışı Yasəmən Salıyevanın mənzilində ev sahibəsini kapron corabla boğaraq öldürüb.

S. Hüseynova martın 30-da könüllü olaraq Binəqədi rayon Polis İdarəsinin 4-cü Polis Bölməsinə gələrək təslim olub.