Çantadan 150 manat oğurlayan qadın “ZEK”ə 7 il yarım həbs verildi

Bu gün Bakı Ağır Cinayətlər Məhkəməsində oğurluqda təqsirləndirilən Zümrüd Adilovanın cinayət işi üzrə məhkəmə prosesi yekunlaşıb.

Lent.az-ın məlumatına görə, hakim Şəkər Məmmədovanın sədrliyi ilə keçirilən prosesdə hökm oxunub. Hakimlər kollegiyasının hökmünə görə, Z.Adilova 7 il 6 ay müddətinə azadlıqdan məhrum edilib.

Qeyd edək ki, Z.Adilova Sumqayıt şəhər polis əməkdaşlarının əməliyyat-axtarış tədbirləri nəticəsində tutulub. O, bu il iyulun 18-də Elyanə Mehdiyevanın çantasından 150 manat oğurlamaqda təqsirli bilinib. Z.Adilovanın əvvələr də məhkumluğu olub.