Bakıda yeniyetmədən 38 min manatlıq ƏMƏL

Bakıda evdən külli miqdarda dəyəri olan əşyalar oğurlamış yeniyetmə tutulub. Lent.az Daxili İşlər Nazirliyinin mətbuat xidmətinə istinadən xəbər verir ki, Yasamal RPİ 27-ci PB əməkdaşlarının keçirdikləri əməliyyat-axtarış tədbirləri nəticəsində noyabrın 4-də rayon ərazisindəki evlərin birindən 30000 manat dəyərində qızıl əşyalar və 8000 manat dəyərində “Vertu” markalı mobil telefon oğurlamaqda şübhəli bilinən Bakı şəhər sakini olan bir yeniyetmə tutulub.

Faktla bağlı cinayət işi açılıb, araşdırma aparılır.