Bakıda pişiyi xilas etmək üçün ƏMƏLİYYAT – FOTOLAR

Bu gün Fövqəladə Hallar Nazirliyinin xilasetmə xidmətinə Nərimanov rayonu ərazisindəki binalardan birində yerləşən mənzildə pişiyin bağlı qapı arxasında qalması barədə məlumat daxil olub.

Lent.az-ın məlumatına görə, pişiyin miyoltusunu eşidən bina sakinlərindən biri onun yaşayış olmayan mənzildən xilas edilməsi üçün müraciət edib. Dərhal əraziyə polis və FHN-in xilasediciləri, eləcə də təcili tibbi yardım briqadası cəlb edilib.

Xilasedicilər qapını aça bilmədiyindən mənzilə pəncərədən daxil olaraq pişiyi xilas ediblər və onu həkimlərə təhvil veriblər.