Azərbaycanda yol qəzaları: 4 ölü, 11 yaralı

Son sutka ərzində Azərbaycanda baş vermiş yol qəzalarında 4 nəfər vəfat edib. Lent.az xəbər verir ki, dünən ölkə ərazisində 11 yol-nəqliyyat hadisəsi qeydə alınıb. Nəticədə vəfat edən şəxslərdən başqa daha 11 nəfər xəstəxanalara yerləşdirilib.

Dünən ölümlə nəticələnən yol qəzalarından ikisi Bakının Qaradağ rayonunda qeydə alınıb. Bakı-Ələt yolunda minik avtomobilinin "KamAZ"a çırpılması ölümlə nəticələnib. Lökbatan qəsəbəsində isə "Mercedes"in vurduğu 2 piyadadan biri ölüb.

Bundan başqa Şabran və Cəbrayıl rayonlarında da 2 piyada yol qəzasının qurbanı olub.

Hər bir faktla bağlı araşdırma aparılır.