Azərbaycanda güclü yanğın: ölən var

Xaçmaz rayonunda güclü yanğın olub. Lent.az-ın Fövqəladə Hallar Nazirliyinin saytına istinadən məlumatına görə, Yalama kəndində 1952-ci il təvəllüdlü Abdulhəlim Sədrə oğlu Muradxanova məxsus ümumi sahəsi 20 kv.m olan yaşayış üçün nəzərdə tutulmuş taxta konstruksiyalardan ibarət köşkün yanar konstruksiyaları yanıb. Yanğın zamanı yanğınsöndürənlər tərəfindən A.S. Muradxanovun yanmış meyiti aşkar olunub. Yaxınlıqdakı bağ sahəsi yanğından mühafizə olunub. Yanğın saat 05:58-də yanğınsöndürənlər tərəfindən söndürülüb.