Körpəsini boğan ana ilə bağlı RƏSMİ MƏLUMAT

Daxili İşlər Nazirliyi ananın 6 aylıq körpəsini boğması ilə bağlı rəsmi məlumat yayıb.

Nazirliyin mətbuat xidmətindən Lent.az-a verilən xəbərə görə, aprelin 16-da Ağdam rayonunun Qərvənd kəndində yaşayan G.İsmayılova evində ailə-məişət münaqişəsi zəminində körpə qızını boğub. G.İsmayılova könüllü olaraq Ağdam RPŞ-yə gələrək təslim olub.

Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanmışdır.

Rayon prokurorluğu tərəfindən araşdırma aparılır.