Tovuzda mikroavtobus aşdı: xəsarət alanlar var

Tovuz – Gədəbəy avtomoibl yolunda üç nəfərin xəsaərt alması ilə nəticələnən yol qəzası baş verib. APA-nın qərb bürosunun verdiyi məlumata görə, hadisə Gədəbəyin Şamlıq kəndi ərazisində baş verib.

Hərəkətdə olan mikroavtobusun idarəetmədən çıxaraq yolun kənarına aşması nəticəsində üç nəfər xəsarət alaraq Tovuz Mərkəzi rayon xəstəxanasına yerləşdirilib. Onlar Goranboy rayon sakinləri 1951-ci il təvəllüdlü Əliyev Səmayə Dünyamalı qızı, 1967-ci il təvəllüdlü Qsımova Ceyran Mədət qızı və 1999-cı il təvəllüdlü Verdiyeva Zinət Halay qızıdır. Yaralıların vəziyyəti orta ağır qiymətləndirilir.

Qəzaya qarlı hava şəraitinin səbəb olduğu bildirilir.

Məlumata görə, qəzaya düşənlər Gədəbəyə toya gedirmiş.

Faktla bağlı araşdırma aparılır.