Körpüdə ağır qəza: ölən və yaralanan var

İmişli rayonu ərazisində ölümlə nəticələnən yol qəzası baş verib.

İmişli rayon Polis Şöbəsindən APA-nın Mil-Muğan bürosuna verilən məlumata görə, qəza dekabrın 24-də axşam saatlarında İmişli rayonunun Boşçalılar-Sərxanlı kənd yolunda qeydə alınıb.

Sarxanlı kəndi istiqamətində hərəkətdə olan, Novruz Vəliyev idarə etdiyi "VAZ-2107" markalı avtomobil əvvəlcə körpünün qoruyucu hissəsinə, daha sonra isə betona çırpıb.

Nəticədə “VAZ-2107”-də olan sərnişin, 61 yaşlı Qara Hüseynov hadisə yerində keçinib.

Avtomobilin sürücüsü isə müxtəlif dərəcəli bədən xəsarətləri alaraq İmişli Rayon Mərkəzi Xəstəxanasının travmatologiya şöbəsində yerləşdirilib.

Faktla bağlı araşdırma aparılır.