İcra Hakimiyyəti: "Beyləqanda aksiya olmayıb"

"Beyləqanda heç bir aksiya olmayıb". Bu barədə Beyləqan rayon icra hakimiyyətindən Lent.az-a daxil olan açıqlamada deyilir.

Məlumatda bildirilir ki, dünən kütləvi informasiya vasitələrində “Beyləqanda aksiya keçirilməsi” ilə bağlı verilən məlumat doğru deyil: "Media orqanları dünən rayon mərkəzində yerləşən kolxoz bazarının qarşısında vətəndaşların yolu bağlayaraq aksiya keçirmələri ilə bağlı məlumat yayıblar. Beyləqan Rayon İcra Hakimiyyəti olaraq bildiririk ki, 17 yanvar tarixində rayonda hər hansı bir aksiya keçirilməyib".