Bakıda faciə: nənə öldü, nəvənin vəziyyəti ağırdır

Bakıda ölümlə nəticələnən bədbəxt hadisə baş verib. Qaradağ rayon Prokurorluğundan Lent.az-a verilən məlumata görə, noyabrın 27-də Səngəçal qəsəbəsində yaşayan 1966-cı il təvəllüdlü Səmayə Nəsirova və onun 6 yaşlı nəvəsi Nərmin dəm qazından zəhərlənib. Xəstəxanaya aparılan 50 yaşlı qadının həyatını xilas etmək mümkün olmayıb. 6 yaşlı qız isə Kliniki Tibbi Mərkəzin Toksikologiya Şöbəsində yerləşdirilib.

Bildirilir ki, nənə və nəvəsi hamamda olarkən qazdan zəhərləniblər.

Faktla bağlı araşdırma aparılır.