Azərbaycanda DƏHŞƏT: zirzəmidən 3-ü uşaq, 6 nəfərin meyiti tapıldı - ADLAR

Sumqayıtda baş vermiş dəhşətli hadisədə ölən 6 nəfərin adları açıqlanıb. Sumqayıt şəhər Prokurorluğundan Lent.az-a verilən məlumata görə, Sülh küçəsi, 5-ci məhəllədəki binanın zirzəmisində dəm qazından boğularaq ölənlər 1961-ci il təvəllüdlü Rafiq Hüseynov, həyat yoldaşı, 1965-ci il təvəllüdlü Yeganə Hüseynova, qızı, 1987-ci il təvəllüdlü Sara Hüseynova və nəvələri: 2009-cu il təvəllüdlü Fərid Abbasov, 2010-cu il təvəllüdlü Zenfira Abbasova və 2012-ci il təvəllüdlü Yeganə Abbasovadır.

Faktla bağlı Cinayət Məcəlləsinin 314.3-cü (səhlənkarlıq - ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb, araşdırma aparılır.

10:58

Sumqayıt şəhərində bir ailənin 6 üzvü dəm qazından boğulub. Lent.az xəbər verir ki, dünən Sumqayıt şəhəri 5-ci məhəllədə yerləşən binanın zirzəmisindəki yaşayış yerindən 6 meyit tapılıb. Onların bir ailənin üzvü olduğu və dəm qazından boğulduğu bildirilir.

Faktla bağlı Sumqayıt şəhər Prokurorluğunda cinayət işi açılıb, araşdırmalar aparılır.

Qeyd edək ki, hadisə barədə ilk xəbəri Qafqazinfo saytı yayıb.