[b]Qonşuların mübahisəsi qanla bitdi [/b]- Bakıda

Bakının Nəsimi rayonunda bıçaqlanma hadisəsi qeydə alınıb.

Lent.az-ın “musavat.com”-a istinadən məlumatına görə, Ağadadaş Qurbanov küçəsi 53 ünvanında qonşular arasında mübahisə düşüb. Mübahisə zamanı sözügedən ünvanda yaşayan 1998-ci təvəllüdlü Mehmanov Mehman Telman oğlu istintaqa hələlik məlum olmayan şəxs tərəfindən bıçaqlanıb.

Yaralı dərhal 1 saylı Şəhər Kliniki Xəstəxanasına çatdırılıb. Xəstəxanadan verilən məlumata görə, o, əməliyyat olunub.

Faktla bağlı hüquq mühafizə orqanları əməkdaşları tərəfindən araşdırma aparılır.