Ermənistan ordusunun Qarabağdakı hərbi hissəsində partlayış: ölən və yaralananlar var

İşğalçı Ermənistan ordusunun Azərbaycanın Dağlıq Qarabağ bölgəsindəki hərbi hissələrindən birində güclü partlayış baş verib, ölən və yaralananlar var.

APA-nın “NEWS.am”a istinadən verdiyi xəbərə görə, bu gün saat 12.10 radələrində Dağlıq Qarabağ bölgəsinin şimal-şərq istiqamətində yerləşən Ermənistanın ordusunun hərbi hissələrindən birində tank əleyhinə qumbara partlayıb. İnsident nəticəsində hərbçi Qrant Manqasaryan ölüb, digər iki hərbçi Qevork Xusnunts və Sergey Alumyan qəlpə yaraları alaraq xəstəxanaya yerləşdiriliblər. Təfərrüatlar açıqlanmır.