[b]22 yaşlı oğlan bıçaqlandı[/b] - Gədəbəydə

Gədəbəydə bıçaqlanma olub.

APA-nın qərb bürosunun verdiyi məlumata görə, rayonun Arıqdam kənd sakini 1994-cü il təvəllüdlü İsmayıl Qurbanov döş qəfəsinin kəsilmiş deşilmiş yarası xəsarətləri ilə Gəncə şəhər Təcili Tibbi Yardım xəstəxanasına yerləşdirilib. O dərhal əməliyyat edilib.

Vəziyyətinin orta ağır olduğu bildirilir. İ. Qurbanovun hansı şəraitdə və kim tərəfindən bıçaqlandığı hələ ki, məlum deyil.

Faktla bağlı Gədəbəy rayon Polis şöbəsində araşdırma aparılır.