2 usta hündürlükdən yıxılıb öldü - AZƏRBAYCANDA

Bakıda ölümlə nəticələnən bədbəxt hadisə baş verib. Lent.az Daxili İşlər Nazirliyinə istinadən xəbər verir ki, dekabrın 11-də Binəqədi rayonunun Novxanı bağlar sahəsində Bakı şəhər sakini Famil Həmidov həmyerlisinə məxsus bağ evində təmir işləri apararkən 2-ci mərtəbədən yıxılaraq ölüb.

Oxşar hadisə Gəncədə də baş verib. Dekabrın 12-də Tərtər şəhər sakini Zabil Allahverdiyev Gəncə şəhərində təmir işləri apardığı evin 3-cü mərtəbəsindən yıxılması nəticəsində xəstəxanaya yerləşdirilib və orada ölüb.

Hər iki faktla bağlı araşdırmalar aparılır.