1 yaşlı uşağın üstünə qaynar su töküldü - GƏNCƏDƏ

Gəncədə ehtiyatsızlıqdan qaynar su bir yaşlı uşağın üzərinə dağılıb.

Gəncə şəhər 2 saylı Birləşmiş Uşaq Xəstəxanasından APA-nın qərb bürosuna verilən məlumata görə, Gəncə şəhər Natəvan qəsəbə sakini, 2013-cü il təvəllüdlü Fətəliyev Kənan Rahil oğlu döş qəfəsinin texniki yanığı diaqnozu ilə xəstəxanaya çatdırılıb.

Araşdırma zamanı məlum olub ki, 1 yaşlı Kənan stolun üstündə olan qaynar su ilə dolu termosu üstünə aşırıb və yanıq xəsarəti alıb.

Həkimlər körpənin vəziyyətinin orta ağır qiymətləndirirlər.