19 yaşlı qız və iki qardaş xəstəxanalıq oldu – BAKIDA

Bakıda bir ailədən 3 nəfər dəm qazından zəhərlənib. Lent.az-ın məlumatına görə, dünən gecə saatlarında Badamdar qəsəbəsi, 3-cü yaşayış massivində fərdi evdə yaşayan 1992-ci il təvəllüdlü Rüstəmli Ruslan Namik oğlu, qardaşı, 1996-cı il təvəllüdlü Rüstəmov Nazir Namik oğlu və yaxın qohumu, 1997-ci il təvəllüdlü Rüstəmova Röyalə Rasim qızı ilə birgə Kliniki Tibbi Mərkəzin Toksikologiya Şöbəsinə gətirilib. Məlum olub ki, onlar qaz sobasından gələn dəm qazından zəhərlənib.

Hər 3 şəxsin həyatına təhlükə qalmadığı, vəziyyətlərinin orta–ağır olduğu bildirilir.