Daxili İşlər Nazirliyi Tovuzda baş verən bədbəxt hadisə ilə bağlı açıqlama yayıb.
Nazirliyin mətbuat xidmətinin əməkdaşı Eşqin Qasımovun Lent.az-a verdiyi məlumata görə, Əyyublu kənd sakini 34 yaşlı Yasin İbrahimov dostları ilə kənd ərazisindəki artezian quyularının birində elektrik paylayıcısından naqil kəsmək istəyən zaman onu cərəyan vurub.
Nəticədə o, hadisə yerində dünyasını dəyişib. Hadisə ilə bağlı artıq iki nəfər şübhəli şəxs qismində saxlanılıb. Hazırda onların digər cinayət işlərinin olub-olması araşdırılır.
***
09:25
Tovuzda bədbəxt hadisə baş verib.
Lent.az-ın APA-ya istinadla məlmatına görə, hadisə rayonun Əyyublu kəndində qeydə alınıb.
İbrahimov Yasini elektrik cərəyanı vuraraq öldürüb.
Araşdırma zamanı məlum olub ki, 34 yaşlı Yasin İbrahimov Əyyublu kəndində transformatordan elektrik xətlərini oğurlayan zaman onu elektrik cərəyanı vurub.
Faktla bağlı Tovuz rayon Prokurorluğunda araşdırma aparılır.