Dəfələrlə məhkum olunmuş şəxsin növbəti CİNAYƏTİ
25 iyul 2022 10:15 (UTC +04:00)

Dəfələrlə məhkum olunmuş şəxsin növbəti CİNAYƏTİ

Şirvanda bıçaqlanma hadisəsi baş verib.

DİN-in Mətbuat Xidmətinin Şirvan regional qrupundan Lent.az-a verilən məlumata görə, iyulun 25-də saat 01:50-də Şirvan şəhər sakini R.Bağırovun bədənin çoxsaylı bıçaq yarası diaqnozu ilə Şirvan Şəhər Mərkəzi Xəstəxanasına gətirilməsi barədə Şirvan Şəhər Polis Şöbəsinə məlumat daxil olub.

Daxil olmuş məlumatla əlaqədar polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində zərərçəkənə xəsarət yetirən şəhər sakini, əvvəllər dəfələrlə məhkum olunmuş Bəxtiyar Alışov qısa zamanda saxlanılaraq polis şöbəsinə gətirilib.

O, dindirilmə zamanı R.Bağırova aralarında yaranmış mübahisə zəminində bıçaqla xəsarətlər yetirdiyini bildirib.

Faktla bağlı Şirvan ŞPŞ-nin İstintaq Bölməsində araşdırmalar aparılır.
 

# 1746
avatar

Fidan İlqar

Oxşar yazılar