Cəbrayılda mina partlayıb.
Azərbaycan Minatəmizləmə Agentliyindən (ANAMA) Lent.az-a verilən məlumata görə, hadisə iyulun 14-də Cəbrayıl rayonunun Dağtumas kəndi ərazisində baş verib.
“Azərsun Holdinq" MMC şirkətinə məxsus yükdaşıma nəqliyyat vasitəsi TM 62 P tank əleyhinə minaya düşüb. Partlayış nəticəsində xəsarət alan sürücü - 26 yaşlı İmişli rayon sakini Məmmədov Şamil Fərahim oğlu rayon xəstəxanasına çatdırılıb.